ଆମ ଦେଶରେ ଏପରି ଅନେକ ପ୍ରାଚୀନ ଏବଂ ପ୍ରସିଦ୍ଧ ମନ୍ଦିର ଅଛି, ଯାହା ସେମାନଙ୍କର ବିଶେଷତ୍ବ ପାଇଁ ବେଶ୍ ଜଣାଶୁଣା। ଏହି ମନ୍ଦିରଗୁଡ଼ିକରେ ଘଟୁଥିବା ଚମତ୍କାରିତା ଦେଖିବା ପାଇଁ ଲୋକମାନେ ବହୁ ଦୂରଦୂରାନ୍ତରୁ ଆସିଥାନ୍ତି। ଏପରି ଏକ ମନ୍ଦିର ମଧ୍ୟପ୍ରଦେଶର ବେତୁଲ ଜିଲ୍ଲାରେ ଅଛି। ମୁକ୍ତାଗିରି ନାମରେ ଏହି ପ୍ରସିଦ୍ଧ ମନ୍ଦିରରେ କେଶର ଓ ଚନ୍ଦନ ବର୍ଷା ହୋଇଥାଏ। ଏହି ସ୍ଥାନଟି ଜୈନ ତୀର୍ଥସ୍ଥାନ ଭାବେ ଜଣାଶୁଣା। ଏହି ମନ୍ଦିର ସାତପୁରା ରେଞ୍ଜର ଘନ ଜଙ୍ଗଲ ମଧ୍ୟରେ ଅବସ୍ଥିତ। ଏହି ମନ୍ଦିରରେ ଅଷ୍ଟମୀ ଓ ଚତୁର୍ଦ୍ଦଶୀ ତିଥିରେ ଚନ୍ଦନ ଓ କେଶର ବର୍ଷା ହୋଇଥାଏ। ଲୋକକଥା ଅନୁସାରେ, ଦିନେ ଜଣେ ଜୈନ ମୁନୀ ବସି ଏଠାରେ ଧ୍ୟାନ କରୁଥିଲେ। ସେହି ସମୟରେ ଏକ ବେଙ୍ଗ ପାହାଡରୁ ଖସି ତାଙ୍କ ସାମ୍ନାରେ ପଡ଼ି ମରିଗଲା। ମୁନି ଜଣଙ୍କ ବେଙ୍ଗ କାନରେ ମନ୍ତ୍ରୋଚାରଣ କରିବା ଦ୍ବାରା ତାକୁ ମୋକ୍ଷ ପ୍ରାପ୍ତି ହୋଇଥିଲା। ତେବେ ମୃତ୍ୟୁ ପରେ ବେଙ୍ଗଟି ମୁନିଙ୍କ ଦର୍ଶନ ପାଇଁ ଆସିଥିଲା, ଏହି ସମୟରେ କେଶର ଓ ଚନ୍ଦନ ବର୍ଷା ହୋଇଥିଲା। ସେବେଠାରୁ ମାନ୍ୟତା ରହିଆସିଛି ଯେ, ଅଷ୍ଟମୀ ଓ ଚତୁର୍ଦ୍ଦଶୀ ତିଥିରେ କେଶର ଓ ଚନ୍ଦନ ବର୍ଷା ହୋଇଥାଏ। ତେଣୁ ଏହିଦିନ ଶ୍ରଦ୍ଧାଳୁଙ୍କ ଭିଡ଼ ଜମିଥାଏ। ଏହି ମନ୍ଦିରଙ୍କୁ ଯିବା ପାଇଁ ଶ୍ରଦ୍ଧାଳୁଙ୍କୁ ୬୦୦ ପାହାଚ ଚଢିବାକୁ ହୋଇଥାଏ।
