ଭୁବନେଶ୍ୱର ରେଳ ଷ୍ଟେସନ ନିକଟରେ ମାଲବାହୀ ଟ୍ରେନ ଲାଇନଚ୍ୟୁତ, ୨ଟି ଲାଇନ୍ ବ୍ଲକ୍ ଯୋଗୁଁ ଟ୍ରେନ୍ ଚଳାଚଳ ବାଧାପ୍ରାପ୍ତ
ଭୁବନେଶ୍ବର : ଲାଇନଚ୍ୟୁତ ହେଲା ମାଲବାହୀ ଟ୍ରେନ। ଭୁବନେଶ୍ୱର ରେଲୱେ ଷ୍ଟେସନ ନିକଟରେ ମାଲବାହୀ ଟ୍ରେନଟି ଲାଇନଚ୍ୟୁତ ହୋଇଥିବା ସୂଚନା ମିଳିଛି। ମାଲବାହୀ ଟ୍ରେନର ୫ଟି ବଗି ଲାଇନଚ୍ୟୁତ ହୋଇଛି। ଟ୍ରେନ୍ଟି ଲାଇନଚ୍ୟୁତ ହେବା ଫଳରେ ୨ଟି ଲାଇନ୍ ବ୍ଲକ୍ ହୋଇଯାଇଛି। ଯାହା ଫଳରେ ଭୁବନେଶ୍ବର ରେଲୱେ ଷ୍ଟେସନରେ ଟ୍ରେନ୍ ଚଳାଚଳ ସାମାନ୍ୟ ବାଧାପ୍ରାପ୍ତ ହୋଇଛି। ମିଳିଥିବା ସୂଚନା ଅନୁସାରେ ଭାଇଜାଗ୍ରୁ ସିମେଣ୍ଟ ନେଇ ଚକ୍ରଧରପୁର ଡିଭିଜନରୁ ଭୁବନେଶ୍ୱର ଏବଂ କଟକ ଆସୁଥିବା ଏହି ମାଲବାହୀ ଟ୍ରେନ୍।
ଅଧିକ ପଢନ୍ତୁ
ମାଲବାହୀ ଟ୍ରେନଟି ଲାଇନଚ୍ୟୁତ ହେବା ପରେ ବର୍ତ୍ତମାନ ରେଳବାଇର ଏକ ସ୍ୱତନ୍ତ୍ର ଟିମ ପହଞ୍ଚି ସ୍ଥିତି ଅନୁଧ୍ୟାନ କରୁଛନ୍ତି। ଏଥି ସହିତ ରେଳ ଟ୍ରାକୁ ଯାଞ୍ଚ ସହ ଲାଇନଚ୍ୟୁତ ହୋଇଥିବା ମାଲବାହୀ ଟ୍ରେନ୍ର ବଗି ଗୁଡିକୁ ହଟାଯାଇ ଲାଇନ କ୍ଲିୟର କରାଯାଉଛି। ଖୁବ୍ ଶିଘ୍ର ଟ୍ରେନ୍ ଚଳାଚଳ ସ୍ବାଭାବିକ ହେବ ବୋଲି ଜଣାପଡିଛି।
ଏଥିସହିତ ପଢ଼ନ୍ତୁ
