ଛେଳି ଚରାଇ ଫେରିବାବେଳେ ଅଘଟଣ, ବିଦ୍ୟୁତ ତାର ସଂସ୍ପର୍ଶରେ ଆସି ୩ ମହିଳା ମୃତ

ତେଲକୋଇ/କେନ୍ଦୁଝର : କେନ୍ଦୁଝର ଜିଲ୍ଲାର ତେଲକୋଇ ଥାନା ଅନ୍ତର୍ଗତ ଟାଙ୍ଗିରୀ ଠାରେ ଏକ ଅଭାବନୀୟ ଘଟଣା ଘଟିଯାଇଥିବା ଖବର ମିଳିଛି। ଛେଳି ଚରାଇ ଫେରିବାବେକେ ତଳେ ପଡିଥିବା ଉଚ୍ଚ ଶକ୍ତି ସମ୍ପନ୍ନ ବିଦ୍ୟୁତ ତାର ସଂସ୍ପର୍ଶରେ ଆସି ୩ ଜଣ ମହିଳାଙ୍କ ଜୀବନ ଯାଇଥିବା ଖବର ମିଳିଛି। ଛେଳିକୁ ବଞ୍ଚାଇବାକୁ ଯାଇ ଏହି ଘଟଣା ଘଟିଥିବା ଖବର ମିଳିଛି।

ସୂଚନା ଅନୁସାରେ ତେଲକୋଇର ବିମଳା ପଞ୍ଚାୟତ ଟାଙ୍ଗିରୀ ଗ୍ରାମର ତିନିଜଣ ମହିଳା ଗ୍ରାମ ନିକଟସ୍ଥ ଟମକିଆ ଜଙ୍ଗଲକୁ ଛେଳି ଚରାଇବାକୁ ଯାଇଥିଲେ। ଜଙ୍ଗଲରୁ ଫେରିବା ବେଳେ ଗାଁ କୁ ଆସିଥିବା ୧୧ କେଭି ବିଦ୍ୟୁତ ତାରରୁ ବଗିଚାକୁ ନିଆଯାଇଥିବା ବିଦ୍ୟୁତ ତାର ଛିଣ୍ଡି ପଡିଥିଲା। ଗୋଟିଏ ଛେଳି ବିଦ୍ୟୁତ ତାର ସଂସ୍ପର୍ଶରେ ଆସି ଛଟ ପଟ ହୋଇଥିଲା। ଏହାଦେଖି ଛେଳିଧରି ଆସୁଥିବା କାଠି ଜୁଆଙ୍ଗ(62),ନିରାଧି ଜୁଆଙ୍ଗ(50), ମେଂଜାରୀ ଜୁଆଙ୍ଗ(34)ଜଣଙ୍କ ପରେ ଜଣେ ଉଦ୍ଧାର କରିବାକୁ ଯାଇ ବିଦ୍ୟୁତ ଆଘାତରେ ମୃତ୍ୟୁ ବରଣ କରିଥିଲେ। ସୂଚନା ଅନୁସାରେ ବିଦ୍ୟୁତ ତାର ଗାଁର ଦୁଇଜଣ ଲୋକ ତଳେ ପକାଇ ନେଇଥିଲେ। ତେଣୁ ଏଭଳି ଅଭାବନୀୟ ଘଟଣା ଘଟିଛି। ପୁଲିସ ଖବର ପାଇ ଘଟଣା ସ୍ଥଳରେ ପହଞ୍ଚିଛି। ଘଟଣାଟିକୁ ନେଇ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି।

Leave a comment