ରାଜ୍ଯରେ ୩ କୋଟି ଟପିଲା ଟିକାକରଣ: ସ୍ବାସ୍ଥ୍ଯ କର୍ମୀ ଓ ଜନସାଧାରଣଙ୍କୁ ଧନ୍ଯବାଦ ଜଣାଇଲେ ମୁଖ୍ଯମନ୍ତ୍ରୀ

ଭୁବନେଶ୍ୱର: କୋଭିଡ଼ ଟିକା ପ୍ରଦାନ କ୍ଷେତ୍ରରେ ଓଡ଼ିଶା ଆଉ ଏକ ମାଇଲଖୁଣ୍ଟ ଅତିକ୍ରମ କରିଛି । ମଙ୍ଗଳବାର ସୁଦ୍ଧା ରାଜ୍ୟରେ ପ୍ରଥମ ଓ ଦ୍ବିତୀୟ ଡୋଜ୍ ମିଶାଇ ସର୍ବମୋଟ ୩୦୧୦୫୯୮୭ ଡୋଜ୍ ଟିକା ଦିଆଯାଇଛି। କେବଳ ମଙ୍ଗଳବାର ରାଜ୍ୟର ୧୩୪୪  କେନ୍ଦ୍ରରେ ୨୪୩୦୭୨ ଡୋଜ୍ ଟିକା ଦିଆଯାଇଛି।

ସୂଚନା ଅନୁସାରେ, ରାଜ୍ୟରେ ଆଜି ସୁଦ୍ଧା ୨ କୋଟି ୧୯ ଲକ୍ଷ ଲୋକ ପ୍ରଥମ ଡୋଜ୍ ଟିକା ନେଇଥିବା ବେଳେ ୮୨ ଲକ୍ଷରୁ ଅଧିକ ଲୋକଙ୍କୁ ଦ୍ବିତୀୟ ଡୋଜ୍ ଟିକା ଦିଆଯାଇଛି। ବୁଧବାର ଦିନ ୧୬୮୪ କେନ୍ଦ୍ରରେ ଟିକା ଦିଆଯିବ । ତେଣୁ ଦୈନିକ ଟିକାକରଣ ସାଢ଼େ ତିନି ଲକ୍ଷ ଅତିକ୍ରମ କରିବ ବୋଲି ଆଶା କରାଯାଉଛି।

ଟିକାଦାନରେ ଉଲ୍ଲେଖନୀୟ ସଫଳତା ହାସଲ କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ବାସ୍ଥ୍ୟ ବିଭାଗର ଅଧିକାରୀ, ସ୍ଵାସ୍ଥ୍ୟକର୍ମୀ ଓ ଜନସାଧାରଣଙ୍କୁ ଧନ୍ୟବାଦ ଅର୍ପଣ କରିବା ସହ କୋଭିଡ୍ ମହାମାରୀ ବିରୋଧୀ ଲଢ଼େଇରେ ଏହା ବଡ଼ ବିଜୟ ବୋଲି କହିଛନ୍ତି।

Leave a comment