ଚୀନ ସୀମା ନିକଟରେ ଅଘଟଣ: ଘାଇକୁ ଖସିପଡ଼ିଲା ଟ୍ରକ, ୩ ଯବାନ ମୃତ

ସିକିମ୍: ବୁଧବାର ପୂର୍ବ ସିକ୍କିମର ଏକ ଘାଟରେ ସେନା କର୍ମଚାରୀଙ୍କୁ ନେଇ ଯାଉଥିବା ଟ୍ରକ ଭାରସାମ୍ଯ ହରାଇ ଘାଇକୁ ଖସି ପଡିଥିଲା। ଫଳରେ ଘଟଣା ସ୍ଥଳରେ ୩ ଜଣଙ୍କର ମୃତ୍ଯୁ ଘଟିଥିବା ବେଳେ ତିନିଜଣ ଗୁରୁତର ଆହତ ହୋଇଛନ୍ତି। ଏ ନେଇ ସ୍ଥାନୀୟ ପୁଲିସ ସୂଚନା ଦେଇଛି।

ଜଣେ ଅଧିକାରୀଙ୍କ କହିବା ଅନୁଯାୟୀ,  ଏହି ଦୁର୍ଘଟଣା ନୂଆ ଜବାହରଲାଲ ନେହେରୁ ରୋଡରେ ଘଟିଛି। ଏହି ମାର୍ଗ ଗାଙ୍ଗଟକକୁ ସୋମଗୋ ହ୍ରଦ ଏବଂ ଭାରତ-ଚୀନ୍ ସୀମା ନିକଟ ନାଥୁଲା ସହିତ ସଂଯୋଗ କରେ।

ସେ କହିଛନ୍ତି ଯେ, ଟ୍ରକରେ କୁମାଓଁ ରେଜିମେଣ୍ଟର ୬ଜଣ ସୈନିକଙ୍କୁ ନେଇ ଗାଙ୍ଗଟକ ଅଭିମୁଖେ ଯାଉଥିଲାବେଳେ ଗାଡ଼ିଟି କୌଣସି କାରଣରୁ ଭାରସାମ୍ଯ ହରାଇଥିଲା।  ନିୟନ୍ତ୍ରଣ ହରାଇ ୬୦୦ ଫୁଟ ଗଭୀର ଘାଇରେ ପଡ଼ିଯାଇଥିଲା। ଫଳରେ ଡ୍ରାଇଭର ସମେତ ଅନ୍ୟ ଦୁଇ ସୈନିକ ଘଟଣାସ୍ଥଳରେ ମୃତ୍ୟୁ ବରଣ କରିଛନ୍ତି। ଘଟଣା ସ୍ଥଳରେ ସେନା, ବିଆରଓ, ପୁଲିସ ଏବଂ ସ୍ଥାନୀୟ ଲୋକେ ଏହି ଗୁର୍ଗମ ଅଞ୍ଚଳରେ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ। ତିନିଜଣ ଆହତ ସ ସୈନିକଙ୍କୁ ଉଦ୍ଧାରକରି ଗାଙ୍ଗଟକର ଆର୍ମି ହସ୍ପିଟାଲକୁ ସ୍ଥାନାନ୍ତର କରିଥିଲେ।  ସେମାନଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ପଶ୍ଚିମବଙ୍ଗର ସିଲିଗୁଡୀକୁ ସ୍ଥାନାନ୍ତର କରାଯାଇଛି।

Leave a comment
The Sakala ପ୍ରତି ମୁହୂର୍ତର ଖବର ଆପଣଙ୍କୁ ଦେଖାଇବାକୁ ଆମକୁ ଅନୁମତି ଦିଅନ୍ତୁ |
Dismiss
Allow Notifications