ସମାଜବାଦୀ ପାର୍ଟିରେ ମିଶିଲେ ବିଜେପି ଛାଡ଼ିଥିବା ୨ ପୂର୍ବତନ ମନ୍ତ୍ରୀଙ୍କ ସମେତ ୭ ବିଧାୟକ
ଲକ୍ଷ୍ନୌ : ଉତ୍ତର ପ୍ରଦେଶର ବିଧାନସଭା ନିର୍ବାଚନ ପୂର୍ବରୁ ବିଜେପି ଏବଂ ଯୋଗୀ ଆଦିତ୍ୟନାଥଙ୍କ ହାତ ଛାଡିଥିବା ୩ ଜଣ ମନ୍ତ୍ରୀଙ୍କ ମଧ୍ୟରୁ ୨ ଜଣ ଏବଂ ୫ ଜଣ ବିଧାୟକ ଆଜି ଅଖିଳେଶ ଯାଦବଙ୍କ ସମାଜବାଦୀ ପାର୍ଟିରେ ଯୋଗ ଦେଇଛନ୍ତି। ଯୋଗୀ ଆଦିତ୍ୟନାଥ ସରକାର ଛାଡ଼ିଥିବା ଦୁଇ ମନ୍ତ୍ରୀ ସ୍ବାମୀ ପ୍ରସାଦ ମୌର୍ଯ୍ୟ ଏବଂ ଧରମ ସିଂ ସାଇନି ୫ ବିଧାୟକ ରୋଶନ ଲାଲ ବର୍ମା, ବ୍ରିଜେଶ ପ୍ରଜାପତି, ମୁକେଶ ବର୍ମା, ବିନୟ ଶକ୍ୟ ଓ ଭଗବତୀ ସାଗର ମଧ୍ୟ ସମାଜବାଦୀ ପାର୍ଟିରେ ଯୋଗ ଦେଇଛନ୍ତି। ଏଥିସହ ବିଜେପି ସହ ମେଣ୍ଟ କରିଥିବା ଆପନା ଦଳର ଚୌଧୁରୀ ଅମର ସିଂହ ଆଜି ଅଖିଲେଶଙ୍କ ସମାଜବାଦୀ ପାର୍ଟିରେ ଯୋଗ ଦେଇଛନ୍ତି।
Former BSP MLA Neeraj Kushawaha Maurya, former BJP MLC Harpal Saini, former BSP MLA Balram Saini, former BJP MLA Rajendra Pratap Singh, former Minister of State Vidrohi Maurya, former Chief Security Officer Padam Singh and former Congress MLA Bansi Singh Pahadiya joins SP today pic.twitter.com/ap6t9E58nz
— ANI UP/Uttarakhand (@ANINewsUP) January 14, 2022
ଆଜି ସମାଜବାଦୀ ପାର୍ଟି ପକ୍ଷରୁ ଆୟୋଜିତ ଏକ ବିଶାଳ ମିଶ୍ରଣ ପର୍ବରେ ବିଜେପି ଛାଡିଥିବା ନେତା ଅଖିଳେଶ ସଂହଙ୍କ ଦଳରେ ଯୋଗ ଦେଇଛନ୍ତି। ଆଜି ଏମାନଙ୍କ ସହ ବହୁ ବିଜେପି କର୍ମୀ ଓ ନେତା ମଧ୍ୟ ସପାରେ ସାମିଲ ହୋଇ ନିର୍ବାଚନ ପୂର୍ବରୁ ଶାସକ ଦଳ ବିଜେପି ବିରୋଧରେ ଗର୍ଜିଛନ୍ତି। ସମାଜବାଦୀ ପାର୍ଟିରେ ଯୋଗଦେବା ପରେ ଯୋଗୀ ଆଦିତ୍ୟନାଥ କ୍ୟାବିନେଟ ମନ୍ତ୍ରୀ ଧରମ ସିଂ ସାଇନି କହିଥିଲେ, “ଗତ ପାଞ୍ଚ ବର୍ଷ ମଧ୍ୟରେ ରାଜନୈତିକ, ଅର୍ଥନୈତିକ, ରୋଜଗାର ଏବଂ ସଂରକ୍ଷଣ କ୍ଷେତ୍ରରେ ଦଳିତମାନେ ସମ୍ପୂର୍ଣ୍ଣ ଶୋଷିତ ଓ ଅବହେଳିତ ହୋଇଛନ୍ତି। ଏହାକୁ ଦୃଷ୍ଟିରେ ରଖି ଆମେ ମକର ସଂକ୍ରାନ୍ତି ଅବସରରେ ପଛୁଆ, ଅବହେଳିତ ଶ୍ରେଣୀର ଲୋକ ସମାଜବାଦୀ ପାର୍ଟିରେ ଯୋଗ ଦେଇଛୁ।
ଅନ୍ୟପକ୍ଷରେ ଯୋଗୀ ଆଦିତ୍ୟନାଥ ଆଛ ଜଣେ କ୍ୟାବିନେଟ ମନ୍ତ୍ରୀ ସ୍ବାମୀ ପ୍ରସାଦ ମୌର୍ଯ୍ୟ ଗଣମାଧ୍ୟମକୁ କହିଛନ୍ତି, ଆଜି ବିଜେପି ପତନର ଶଙ୍ଖନାଦ ବାଜିଛି। ବିଜେପି ଦେଶ ତଥା ରାଜ୍ୟବାସୀଙ୍କୁ ବିଭ୍ରାନ୍ତ କରିଛି ଏବଂ ଲୋକଙ୍କୁ ଶୋଷଣ କରିଛି। ଉତ୍ତରପ୍ରଦେଶକୁ ବିଜେପିର ଶୋଷଣରୁ ମୁକ୍ତ କରିବା ସମୟ ଆସିଛି । ସମାଜବାଦୀ ପାର୍ଟି ମୁଖ୍ୟ ଅଖିଲେଶ ଯାଦବ ଏମାନଙ୍କୁ ଦଳକୁ ସ୍ୱାଗତ କରି ବିଜେପି ବିରୋଧରେ ଚାଲିଥିବା ଲଢ଼େଇକୁ ଆହୁରି ଜୋରଦାର କରିଛନ୍ତି।